O93, f. 144v; V630, f. 233rb; N442, f. 148rb; P9629, f. 125va; W411, f. 242v; V1341, f. 146ra

LXXVIIII¹ ITEM^{2 3} LEONIS⁴ AD^{5 6} ANATOLIUM CONSTANTINOPOLITANUM EPISCOPUM.

I De fide eius scriptis missis probata.

II De his, qui metu in heresim lapsi sunt, si⁷ conversi⁸ fuerint, ut⁹ recipiantur.

III De nominibus¹⁰ hereticorum ad sacrum altare non recitandis¹¹.

IIII De commemoratione Iuliani episcopi vel eorum clericorum, qui Flaviano episcopo in fide¹² adhaeserint¹³.

<N442, f. 148rb> Leo^{14 15} episcopus Anatolio episcopo.

I¹⁶ Gaudemus¹⁷ in domino et in dono gratiae ipsius gloriamur, quia¹⁸ sicut dilectionis tuae litteris et fratrum nostrorum, quos Constantinopolim miseramus, relatione cognovimus sequacem¹⁹ te²⁰ evangelicae eruditionis ostendit, ut per sacerdotis²¹ probabilem fidem merito praesumamus, quod tota ecclesia²² eidem credita nec rugam cuiusquam sit erroris habitura²³ nec maculam²⁴ <W411, f. 243r> dicente apostolo: Dispondi²⁵ enim vos uni viro virginem castam exhibere Christo. Illa est enim virgo ecclesia²⁶ sponsa unius²⁷ viri Christi, quae nullo se patitur errore vitiari, ut per totum mundum una nobis sit unius <V630, f. 233va> castae communionis integritas, in qua societatem tuae dilectionis amplectimur et gestorum, quae sumpsimus seriem necessariis, sicut oportuit, munitam subscriptionibus approbamus. Ut ergo vice²⁸ dilectionis tuae animus²⁹ nostris³⁰ confirmaretur³¹ alloquiis, filios nostros Casterium³² presbyterum, Patricium³³, Asclepiadem³⁴ diaconos, qui ad nos tua scripta detulerunt cum epistolis nostris post³⁵ venerabilem diem <O93, f. 144vb> festi paschalis emisimus³⁶ <V1341, f. 146rb> indicantes³⁷ nos³⁸, sicut supra diximus, de Constantinopolitanae ecclesiae pace gaudere, cui hanc curam³⁹ semper impendimus, ut eam⁴⁰ nulla⁴¹ velimus hereticorum fraude violari.

II De fratribus vero, quos⁴² et epistolis tuis et legatorum nostrorum relatione <P9629, f. 125vb> communionis⁴³ nostrae cupidos esse cognovimus, eo quod doleant se⁴⁴ contra impotentiam⁴⁵ contraque terrores⁴⁶ non tenuisse constantiam⁴⁷ et alieno sceleri praebuisse consensum⁴⁸, cum ita eos formido⁴⁹ turbasset, ut⁵⁰ in damnationem catholici atque innocentis antistitis et in⁵¹ irreptionem⁵² detestabilis pravitatis trepido famularentur obsequio. Illud quidem, quod praesentibus et agentibus nostris constitutum est, approbamus, ut suarum interim ecclesiarum essent communione⁵³ contenti⁵⁴, sed cum legatis nostris, quos misimus, participare^{55 56} huic⁵⁷ sollicitudini⁵⁸ volumus⁵⁹, disponatur, quatenus hi, qui plenis⁶⁰ satisfactionibus male gesta condemnant⁶¹ et accusari⁶² magis⁶³ se eligunt quam tueri⁶⁴, pacis et communionis nostrae unitate laetentur, ita ut digno prius anathemate, quae contra⁶⁵ fidem catholicam sunt recepta, damnentur. Aliter enim in ecclesia dei, quae corpus est Christi, nec rata⁶⁶ sunt⁶⁷ sacerdotia nec vera sacrificia, nisi in nostrae proprietate naturae verus nos⁶⁸ pontifex reconciliat⁶⁹, verus immaculati agni sanguis mundat⁷⁰. Qui licet in patris⁷¹ sit dextera constitutus, in eadem tamen carne, quam sumpsit ex virgine, sacramentum propitiationis⁷² exsequitur⁷³ dicente apostolo: Christus⁷⁴ Iesus, qui mortuus est, immo qui⁷⁵ et resurrexit, qui est in dextera⁷⁶ dei, qui etiam interpellat pro nobis. Neque enim potest⁷⁷ in aliquo⁷⁸ benignitas nostra repraehendi, cum satisfacientes⁷⁹ recipimus, quos doluimus⁸⁰ esse deceptos. Nec aspere⁸¹ igitur communionis⁸² nostrae gratia deneganda⁸³ est nec temere⁸⁴ largienda, quia, sicut plenum pietatis est oppressis caritatem dominicam redhiberi, ita iustum <N442, f. 148va> est omnia perturbantis⁸⁵ auctoritatem⁸⁶ <W411, f. 243v> amputari⁸⁷.

III De nominibus autem Dioscori⁸⁸, Iuvenalis⁸⁹, Eustatii⁹⁰ ad sacrum altare non recitandis dilectionem tuam hoc decet⁹¹ custodire, quod nostri ibidem constituti faciendum esse dixerunt quodque honorem⁹² det sancti Flaviani memoriae non repugnet⁹³ et a gratia tua christianae plebis animos <P9629, f. 126ra> non avertat⁹⁴. Nam inimicum⁹⁵ nimis est atque incongruum <V630, f. 233vb> eos, qui innocentes catholicos sua persecutione⁹⁶ vexarunt, sanctorum nominibus sine discretione misceri, cum damnatam impietatem non deserentes ipsi⁹⁷ se sua <V1341, f. 146va> pravitate condemnent, quos convenit aut percelli pro perfidia aut laborare pro venia.

IIII Fratrem vero et coepiscopum⁹⁸ nostrum Iulianum vel⁹⁹ clericos¹⁰⁰, qui sanctae memoriae Flaviano fidelibus officiis adhaeserunt, dilectioni quoque tuae volumus adhaerere, ut, quos¹⁰¹ fidei¹⁰² suae meritis vivere apud dominum nostrum novimus, in te sibi eum praesentem esse cognoscant. Illud quoque dilectionem tuam nosse volumus fratrem et coepiscopum nostrum Eusebium, qui causa fidei¹⁰³ multa discrimina laboresque toleravit, nobiscum¹⁰⁴ interim¹⁰⁵ demorari et in nostra nunc communione persistere, cuius¹⁰⁶ ecclesiam¹⁰⁷ tua sollicitudine volumus esse defensam, ut nihil eodem absente¹⁰⁸ depereat et nullus ei in aliquo¹⁰⁹ praeiudicare¹¹⁰ praesumat, donec cum litterarum nostrarum ad vos persecutione¹¹¹ perveniat.

Et ut maior circa te vel nostra vel totius christianae plebis¹¹² affectio provocetur, hoc, quod ad dilectionem¹¹³ tuam scripsimus, in omnium volumus notitiam¹¹⁴ pervenire, ut, qui deo nostro deserviunt de confirmata apud te pace sedis apostolicae gratulentur. De ceteris vero causis atque personis dilectio tua litteris, quas per nostros accipiet, plenius instruetur.

Data^{115 116} aera qua supra.

O93, f. 144vb; V630, f. 233vb; N442, f. 149va; P9629, f. 126ra; W411, f. 243v; V1341, f. 146va